خضر عواركة - ضلك معي - 6 شباط 2014

ضلك معي ..

بيسوى تتأخري شوي

وان عتبو عليكي الغاليين  ...

قولي سحرني  من عيونو الضيّ

ضلك معي بعد بس شوي

منحكي حكايا لبعضنا
ومنعترف لنجوم السما  من فوقنا
وبنعيش احلى سهر ونركض عالهدى و
وانتي تقوليلي  تعبت
 مسكني بايدي شوي
  وبسقيكي من  نبع  صخرة
وتقولي عسل يا شاب هيدي  الماي 

وبقبل منك عا عطش

 بس من شفافك

تردي لنبعي الماي 

ضلك معي تنتذكر سوا

ايامي وايامك

ونحكي بالصمت  احلامي و احلامك

وتساليني وقول

ايييه....وراح  ضلني قول

ضلك معي ولا تفارقيني

 ولو حتى... شوي

ضلك معي عن حب

ولا تقولي خطّي

عرفتو من زمن وزمان

ولعبنا لعبة حب ..

هونيك تحت شجرة وراقها بالفّي

ولا تقولي خطي

حبني مرة

وحمل عني حمل..

متل ما ستي حمل جدي عنها الجرة

ضلك معي ولا تقولي خطي

غاب وهجر

وغرقت صورتو بالزمن

واندفن  حبنا بالسفر

ضلك معي ولا تقولي خطي

قولي حبيبي ان غاب

قولي حبيبي الل عاد

قول حبيبي وانا

كل ما قلتي لازم إني روح

بقلك ضلك معي  ...

ضلك معي شوي