كتب خضر عواركة
على درب الهوى مروا كتار .....
وحكيت حجار الطريق خبار
وقلت بلكي هالحلو
بيعشقك شي نهار
على درب الهوى شجرة
متل رسمي
انكتب اسمك على جذعا
جنب اسمي
ورسملي الشوق
دمعة على جسمي
الدمعة متل نقطة غيم
متل زهرة لوز بنيسان
متل مرا بضيعة الصوان
البسمة على عيوني
وضجكة متل نجمة
على خدك
نايم بالفلا
ومضيع بغفلتي وعدك
وخيال حالم بالدفا حدك
ومصور بالسما وردك
ورافع للعنى زندك
طلت ريح
وسراجي بالهوى وعدك
طفي السراج وضل النور
جايي من نجمة على خدك
ليست هناك تعليقات:
إرسال تعليق